Home News ЗОРАН ЗАЕВ: Никогаш да не ги заборавиме – да им оддадеме почит...

ЗОРАН ЗАЕВ: Никогаш да не ги заборавиме – да им оддадеме почит на жртвите од 26 јули 1963

Денеска се сеќаваме на 26 јули 1963 година, кога во 5 часот и 17 минути беа урнати 15.800 станови, оштетени 28.000, а над 200.000 луѓе остана без покрив над глава.

Катастрофалниот земјотрес пред 58 години за само 20 секунди го запре животот на Скопје, и им го одзеде животот на над илјада скопјани, напиша на својот официјален ФБ профил премиерот Зоран Заев.

– Денот на сеќавањето на скопскиот земјотрес е и ден кога им изразуваме благодарност на сите кои со љубов и солидарност учествуваа во споделувањето на болката со преживеаните и што учествуваа во обновата на градот.

Скопје стана град на солидарноста, место на кое се обединија пораките и молитвите за поддршка и за споделување на болката, за загубата, објави Заев.

Скопје во својата долга историја, напиша на фејсбук Заев, никогаш не ги заборавал жртвите и своите граѓани и затоа и денеска, 58 години потоа, се сеќаваме на починатите во земјотресот и им оддаваме достојна почит.

Previous articleДенес пресудата за „Организатори на 27 април“
Next articleЕлеонора Миљковиќ во иста поза и со исто бикини проба да ја емитира Карлеуша – оценете дали и успеа (ФОТО)