Home News Заев го прекинаа одморот и заедно со Филипче се појавија меѓу жителите...

Заев го прекинаа одморот и заедно со Филипче се појавија меѓу жителите на Будинарци (ФОТО)

Премиерот Зоран Заев го прекина одморот по реакциите во јавноста дека не е во државата, во време кога државата се соочува со големи пожари со кои тешко се справува и е прогласена кризна состојба. Тој според владината прес служба требаше да е на одмор до 12 август.




„Во периодот од 3 до 12 август дел од членовите на Владата ќе искористат денови од годишен одмор.

Владата секојдневно ги извршува сите свои функции, а согласно состојбата со пожарите министрите секојдневно заседаваат и одржуваат седници преку онлајн видео конференциска врска и навремено и непречено ги носат сите потребни одлуки.




Согласно меѓусебна координација, дел од министрите нема да користат денови од годишен одмор во овој период, а со цел да се обезбеди и теренска и канцелариска координација на активностите секогаш и секаде каде што тоа е потребно.




Овие денови теренската координација е обезбедена од страна на првиот вицепремиер Артан Груби, министерката за одбрана Радмила Шекеринска, министерот за транспорт и врски Благој Бочварски, министерот за земјоделство Арjанит Хоџа, министерот и заменик министерот за информатичко општество и администрација Шакири и Бајдевски.




Министерката и заменик министерот за образование Царовска и Шабани, заменик министерот за внатрешни работи Буши, заменичката министерка за животна средина Оџаклиеска, заменикот министер за труд и социјала Енвер Хусин, заменикот министер за здравство Илир Хасани, заменик министерот за правда Нухиу.




Премиерот Зоран Заев користи денови од годишниот одмор до 12 август, а е во постојана телефонска и интернет координација со сите ресорни министерства
и надлежни институции.“

Сепак, денес Заев се појави меѓу жителите на Будунарци и даде информација на својот профил на социјалните мрежи:




-Над селото Будимирци Беровско средба и увид на терен извршија заедно со директорот на ЦУК Стојанче Ангелов и со силите ангажирани за гаснење пожари од локалните самоуправи од земјава и од Австрија.




Беровско Будинарци е уште едно од македонските населени места кои се исправија пред огнот и заедно со пожарникарите, со своите мештани и со солидарната помош се борат за безбедност и за спас на околината.




Шумите лесно се палат, а тешко се гасат – порачувам да внимаваме сите, да ја ставиме безбедноста на прво место и да ги спречиме сите ризици кои може да предизвикаат пожар, соопшти премиерот Зоран Заев.




„Во овие денови на регионална солидарност, уште еднаш упатуваме огромна благодарност за помошта која е веќе на теренот, а пристигна од Србија, од Словенија и од Австрија, како и за двата авиони кои пристигнуваат од Романија.




Ситуацијата ја следиме постојано и будно, во постојана ангажираност и координација се сите капацитети на државата и заедно со граѓаните и со пријателската помош заедно ќе се справиме со оваа опасност“, додаде тој.

Previous articleОгнен Јанески: Јас да бев пожарникар од Австрија, Словенија веднаш ќе си заминев штом ќе разберев дека властите отишле на одмор
Next articleМинистерот Филипче ги најави првите конкретни мерки кои мора итно да се воведат