Home News Пред малку Стојанче соопшти многу добра вест: По неколкудневна борба, пожарот кај...

Пред малку Стојанче соопшти многу добра вест: По неколкудневна борба, пожарот кај Будинарци е совладан

Директорот на ЦУК, Стојанче Ангелов, пред малку на својот профил на социјалните мрежи, соопшти добра вест. Пожарот кај Будинарци е конечно совладан:




„По неколкудневна борба со огнената стихија над с. Будинарци, попладнево големиот шумски пожар е совладан.

Со тоа целосно е изгаснат големиот шумски пожар кој го зафати реонот на општините Пехчево, Делчево и Берово.




Поаѓајки од нашето начело, безбедноста на луѓето на прво место, известуваме дека во пожарот не настрада ниту еден локален жител, ниту припадник на противпожарна или друга единица или институција, со исклучок на еден повреден австриски пожарникар кому му посакуваме брзо оздравување.




Дел од австриската противпожарна опрема како и наши и бугарски пожарникари ќе останат да стражарат на лице место за да не дојде до повторно разгорување на оганот на одредени места, нешто што редовно се случува по совладувњето на вакви големи пожари особено имајки го во предвид засилениот ветар кој од пред малку почна да дува.




Голема благодарност до посадите на македонските и српските хеликоптерски единици и романски авиони, македонските, австриските, словенечките и бугарските пожарникари, до припадниците на Национални Шуми и Шумската полиција.




До припадниците на македонската Армија и Полиција, како и вработените во ДЗС, ЦУК и останатите институции кои на било кој начин помогнаа во совладувањето на овој, веројатно, најголем шумски пожари во Македонија досега.




Посебна благодарност до локалното население кое храбро и пожртвувано помогна во одбраната на селата од огнената стихија.




Previous articleВо Париз почна да се спроведува она што кај нас ќе почне на 16 – еве како изгледа кога ќе седнете во кафеана
Next articleЃорѓи Спасов распали по Артан Груби: Неговото образложение е како оние на Груевски од времето