Home Live Симптомите не се исти – кај Делта сојот, за разлика од оригиналниот...

Симптомите не се исти – кај Делта сојот, за разлика од оригиналниот сој на вирусот, поретко се губи чувството за вкус и мирис

Делта сојот е откриен во Индија кон крајот на март и стои зад разорниот пандемски бран што ја погоди таа земја во текот на пролетта.

Во меѓувреме, тој отиде на пат околу светот, и каде и да отиде – создаде хаос.

Во Велика Британија се прошири толку брзо што ја смени епидемиолошката состојба во земјата пред неколку месеци и практично стана единствениот вид во оптек, додека Израел, шампион за имунизација, ја обнови обврската за носење маски откако бројките почнаа да скокаат..

Се повеќе земји го одложуваат укинувањето на мерките или воведуваат нови во страв од делта, а светските лидери и Светската здравствена организација предупредуваат дека оваа варијанта наскоро ќе стане доминантна во светот.

Официјално познат како Б.1.617, првпат беше откриен во Индија во март. Овој вид сега повторно се карактеризира во три различни подтипа и сите имаат малку различни генетски мутации. Варијантата Б1617.2 е најчестата верзија во сетот и, се чини, најзаразната.

Делта-видот се карактеризира со двојна мутација што се јавува кога две веќе мутирани варијанти на вирус се комбинираат и формираат трета.

Она што е пријавено во Индија е комбинација на варијантите E484K и L452R. E484K е сличен на E484K – мутација забележана во варијантите Б.1.351 (Јужна Африка) и П.1 (Бразил).

Што се однесува до мутацијата L452R, исто така пронајдена во „двојна мутација“ во Индија, таа најпрво привлече внимание како дел од линијата B.1.427 / B.1.429 во Америка, понекогаш наречена „калифорниска варијанта“.

СЗО во март го класифицираше делтата видот како „варијанта од интерес“, откако беа потврдени стравувањата дека тој е одговорен за катастрофалниот бран во Индија со скоро половина милион заразени луѓе на ден.

Иако експертите првично беа воздржани, со текот на времето постоеја сè повеќе докази дека делта сојот е многу пати позаразен дури и од британскиот, кој стана доминантен во повеќето земји оваа зима. Проценките се разликуваат, а некои британски експерти тврдат дека е дури за 60 проценти позаразн од британскиот.

Симптоми на ковид предизвикани од делта сојот:

Помладите обично го дефинираат како „посилна настинка“ или невообичаено чувство на губење енергија и малаксаност. Најчестите симптоми на делта сојот се главоболка, болки во грлото, течење на носот, а треска и температура се присутни како и досега.

За разлика од короната каква што ја знаеме досега, тука губењето на чувството за мирис и вкус се многу поретки симптоми.

Previous articleМицкоски: Слушни ме Марко што ќе ти речам од првиот ден да се зафатиш со реализација на ветеното пред граѓаните
Next articleСе појавија првите снимки од свадбата на деценијата на која Ердоган е кум (ВИДЕО)