Home News Сите пренесоа дека Данска ги укинува сите мерки против вирусот, но никој...

Сите пренесоа дека Данска ги укинува сите мерки против вирусот, но никој не кажа зошто

Кај нас на сила е забрана за одржување свадби, родендени и други приватни прослави во затворените делови на угостителските објекти.

Како и сите други мерки согласно одлуката од 99-та седница според која за влез во угостителски објекти, кафулиња и барови, без разлика на капацитетот и бројот на присутни задолжително е поседување, приложување и проверка на еден од следните документи:

– Сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза вакцина против заразната болест КОВИД-19 или

– Сертификат/потврда за прележан КОВИД-19 во последните 45 дена, сметајќи од денот на оздравувањето, за лица над 18-годишна возраст.

Оваа мерка задолжително се применува и за организација, работа и присуство/учество и на секаков вид на настан на отворен простор, како и за влез во затворениот дел од моловите.

За разлика од кај нас, од 10 септември Данска ги укинува сите рестрикции воведени поради пандемијата од Ковид-19, соопштија тамошните здравствени власти.

– Епидемијата е под контрола, имаме рекордно високо ниво на вакцинација, изјави данскиот министер за здравство Магнус Хеунике.

Данска е држава во која има едно од највисоките нивоа на имунизација во светот. Дури четворица од петмина Данци над 12 години се целосно вакцинирани. Токму ова е причината зошто Владата повеќе не го класифицира корона вирусот како „болест критична за општеството”.

– Владата вети дека нема да ги поддржи овие мерки подолго отколку што е потребно и ние сме сега во таа ситуација. Но, дури и ако моментно изгледа се добро, ние се уште не сме излезени од епидемијата, истакна министерот Хеунике.

Сепак, не е исклучена можноста од повторно воведување рестрикции доколку епидемиолошката состојба во државата повторно се влоши.

Бројот на пациенти во данските болници со Ковид-19 вчера изнесуваше 127. Вкупниот број на смртни случаи од почетокот на пандемијата достигна 2.573 лица.

Се наметнува заклучокот дека е многу лесно да се укинат мерките, кога нивото на имунизираност е со исклучително висока стапка. Едноставно, со приближувањето до колективен имунитет, се доаѓа до ситуација кога вирусот нема каде да се шири.

Ова е добра поука за сите противници на имунизацијата кај нас, како да излеземе од оваа состојба во која трпи и економијата.

Previous articleСе појавија првите снимки од свадбата на деценијата на која Ердоган е кум (ВИДЕО)
Next articleМерките вродија со плод – силниот бран е запрен, кривата оди надолу