Home News За разлика од Максим Димитриевски, Богдановиќ упати поинаква порака до СДСМ

За разлика од Максим Димитриевски, Богдановиќ упати поинаква порака до СДСМ

По одлуката да не биде кандидат на СДСМ за градоначалник на следните избори, Максим Димитриевски поднесе независна кандидатура, а потоа беше исклучен од партијата. По тој повод, тој порача:

„Длабоко сум разочаран и искрено жалам за таквата, би рекол шве рце -рска, полноќна одлука на поединци на раководството на мое СДСМ. Дури ни таквата одлука не е легитимна, затоа што не е согласно статутот на СДСМ..

Одлуката за исклучување се носи на седница на Извршниот одбор, па потоа на седница на Централниот одбор на партијата. Моите информации велат дека такви седници не се одржале. Правно формално јас сеуште сум член на СДСМ“, вели Димитриевски.“

Актуелниот градоначалник на Центар, Саша Богдановиќ, исто така нема да биде кандидат на следните избори. Но еве што тој преку статус и порача на матичната партија:

„Драги центарци, Би сакал јавно да се заблагодарам на мојата матична партија СДСМ за укажаната доверба и поддршката да бидам градоначалник на Општина Центар изминативе 4 години.

Тоа беше огромен предизвик за мене и задоволство да ја водам најурбаната и најмодерната општина и заеднички со граѓаните на Центар да креираме нова визија за општината по европски модели за работа и стандарди. Им честитам на предложените кандидати.

Се надевам дека во новата изборна програма проектите ќе бидат насочени кон паметно урбанистичкото планирање на централното градско подрачје, хуманизација на просторот и ослободување на јавните површини, изградба на нови училишта и градинки, детски и спортски игралишта, реконструкција на улици, зголемување на јавното зеленило, како и реализација на проекти за #НулагГладВоЦентар, #ЦентарРециклира, #СмартЦентар, #ИОтпадотИмаВредност и #ЗеленЦентар.

Во изминативе 4 години докажавме дека работиме одговорно, посветено и транспарентно во интерес на нашите граѓани. Инвестиравме во инфраструктура за изградба на нови паркиралишта и резидентни зони за подобрување на условите со паркирањето во Центар.

Инвестиравме во нови смарт проекти за #ЗеленЦентар и заштита на животната средина. Изградивме најмодерно училиште во нашата држава за современо образование, отворивме нова детска градинка, ги модернизиравме детските игралишта на цела територија во Општина Центар и отворивме нов Младински Центар – Матично, прогресивен симбол во градот за креирање на младинските политики и практики.

Отворивме нов мултимедијален простор „Јадро“, платформа за независната културна сцена и граѓанскиот сектор за проекти во културата во разни уметнички дисциплини. Преку реализација на нашите инфраструктурни проекти, полека ја заокруживме целината што ја најавуваме, а тоа е Дебар Маало да биде резидентно маало.

Започнавме со реализиација на капиталниот проект за целосна реконструкција на „Мирослав Крлежа“ и пренамена на улицата во пешачка зона. Во завршна фаза сме од реконструкцијата на најголемата сообраќајница во Дебар Маало, улицата „Орце Николов“, која ќе добие нов модерен лик, зголемена безбедност за сите учесниици во сообраќајот и ослободување на јавните површини за стимулирање на пешаците и велосипедистите. И, по 12 години успеавме да ги вратиме надлежностите на општината и ја преземавме целосната контрола за користењето на јавните површини и поставување урбана опрема на одредени подрачја во Општина Центар.

Обезбедивме нови специјални комунални возила за почисти улици и зголемување на јавната хигиена и чистота, изградивме многу нови маалски катчиња и простор за рекреација за жителите. И најважно, од мојот мандат па досега, наплатени се 4.000.000 евра по разни основи, судски пресуди и активирани банкарски гаранции.

Останаа и капитални проекти што не се завршени, како што се изградбата на новата детска градинка во населбата Пролет, изградбата на катната гаража, доградбата на училиштен објект во ООУ „Коле Неделковски“ и искрено верувам дека идниот градоначалник ќе ја продолжи нивната завршна реализиција.

Најискрено би сакал да се заблагодарувам на мојот тим и целиот колектив од општинската администрација, која што од самиот почеток веруваше во мене и со нивната поддршка и доверба, заеднички успеавме да реализираме 70% од изборната програма. Општина Центар никогаш не била во подобра финансиска и стабилна позиција, која има капацитет самостојно да ги реализира предвидените проекти. Затоа сум особено горд што заеднички успеавме. Ви благодарам!

И за крај, голема благодарност до сите жители во Центар кои секојдневно наоѓаа време да ми се заблагодарат и да ми ја изразат поддршката и благодарноста за мојата работа. Вашите зборови и пораки беа потврда и најголема мотивација во мојот четири годишен мандат. Ви благодарам центарци!“

Previous articleД-р Јанковиќ со јасна порака за оние кои примиле Синофарм и се постари од 50 години – третата доза да биде Фајзер
Next articleМеѓаши му забележа на Бујар за штипкањето на дечињата