Home News Каевски: Данела не работи ништо – граѓаните очекуваа бесплатен превоз во првите...

Каевски: Данела не работи ништо – граѓаните очекуваа бесплатен превоз во првите 82 дена, таа ги лаже за по 2 години

Градоначалничката на Скопје, Данела Арсовска минатата недела на брифинг со новинарите рече дека најавениот бесплатен градски превоз, ќе започне да се имплементира етапно, а ќе финишира по две години.

Вчера на прес-конференција на СДСМ, Дарко Каевски, пратеник од редовите на СДСМ, ја коментираше работата на новата градоначалничка, Данела Арсовска, која на последните локални избори победи во вториот круг, пред Петре Шилегов.

-Почитувани граѓани, почитувани новинари, Данела Арсовска не работи ништо во интерес на граѓаните, таа во првите две месеца покажа дека знае само да стопира важни проекти.

Меѓу нив секако еден од најважните е Бас рапид транзит системот со кој Скопје добива нов, ефикасен и еколошки јавен транспорт.

Арсовска со штури оправдувања го прекина овој важен проект за чија реализација беа обезбедени средства од Европската банка за обнова и развој.

И самата Европска банка за обнова и развој ги демантираше лагите на Данела Арсовска.

Наместо да го реализира БРТ системот, таа ги лаже граѓаните дека ќе воведе бесплатен автобуски превоз за две години отсега, иако граѓаните очекуваа бесплатен јавен превоз уште во првите 82 дена од нејзиниот мандат.

Најавите дека бесплатен јавен превоз ќе има за две години од сега е голема лага и потценување на скопјани.

Бесплатен јавен превоз е возможен само со Бас рапид транзит со кој се обезбедува поголем опфат на патници, почести линии и побрзо минување на трасата.

Арсовска треба да си ги совлада суетата и ароганцијата и да ги продолжи проектите што ги започна Петре Шилегов, а кои обезбедуваат развој на Град Скопје.

Taa конечно треба да почне да работи за Градот и за интересите на граѓаните, наместо да го кочи развојот на Скопје.

Previous articleНенад Јовановиќ: Да, јас бев силен апологет на заев, но ќе ви кажам зошто
Next articleИрена Спасовска пука во тесен фустан со гол грб, па кога замеша… (ФОТО)