Home Live Македонскиот Тома кај нас беше како дома, му купував млеко, го лекував-...

Македонскиот Тома кај нас беше како дома, му купував млеко, го лекував- Македонската новинарка раскажа потресна приказна

Кенан Таировски – Кени (роден на 1945, Царев Двор, Ресенско бил македонски пејач на народна музика, кој најголемата слава ја имал во седумдесеттите години во поранешна Југославија. На музичката сцена бил скоро половина век.




Таировски е роден во 1945 година во преспанското село Царев Двор, каде и завршил основно образование. На почетокот на шеесеттите години заминал за Белград, кај својот постар брат Нихат.




На предлог на тогашниот Наставнички совет на основното училиште „Браќа Миладиновци“ во Царев Двор, Таировски своето образование го продолжил во средното музичко училиште во Белград, каде неговиот музички талент и убавиот глас, набргу биле забележани од тогашните продуцентски куќи и композиторите.

Будимир Јовановиќ Буцо бил текстописец на песната “Свири ми стари циго”, што всушност е и прва снимена сингл-плоча на Кенан Таировски во 1968 година.




A, како најпознати и високо-тиражни продадени плочи ќе бидат песните “Фикрија” и “Едита”, чиј автор е самиот Таировски.

Во тоа време, Таировски станал ексклузивец на дискографската куќа “Југотон” од Загреб, за која снимил 3 лонг-плејки и 14 сингл-плочи. Одржал голем број концерти на коишто другарувал и пеел со Мирослав Илиќ, Вера Матовиќ, Нада Топчагиќ и др.




Во Македонија, Таировски издал 35 ЦД-а, а посебно се наметнал со песните „Дано Данице, преспанска убавице”, „Жане жанина”, „Играј чочек битилчанко“, „Преспо моја”, „Царе мори“.




Текстовите на овие и многу други песни се напишани од неговиот искрен пријател и долгогодишен соработник, доајенот на преспанското новинарство Ѓорги Ѓоргиевски.

Од останатите песни, постои и песна напишана и испеана за трагично загинатиот претседател Борис Трајковски, за којашто текстот го напишал самиот Кенан, како и онаа посветена на Тоше Проевски “Ти ангелу славен“, на текст на Ѓорги Ѓоргиевски.




Во својата богата музичка кариера Кенан Таировски реализирал и повеќе турнеи во прекуокеанските земји. 15 турнеи остварил во Австралија, 5 во САД и безброј турнеи низ Европа. При секоја нова турнеја во Австралија, нашите иселеници го пречекувале со црвено знаме на кое пишувало “Кралот Кени“.




Особено популарна песна во Австралија била неговата песна “Жане жанина“, којашто во 1994 година го добила престижното признание за најслушана песна на новиот континент.

Богатата, 47-годишна музичка кариера на Кенан Таировски била одбележана со голем музички концерт, насловен „Преспа за Кенан”, кој се одржал на 5 август 2015, во Спортската сала во Ресен, а на кој настапиле познатите музички имиња:




Таше Каранфиловски, Благоче Стојановски – Туше, Елена Велеска, Групата “Персиди”, Оливер Христовски, Сашко Завевски, Бади Беќир, Петар Нечовски, Атина Апостолова, Круме Спасовски, Горан Алачки, како и културно-уметничките друштва “Таше Милошевски” и “Кардешлик” од Ресен.

Својот живот, овој познат пејач го завршил во Ресен на 11 јули во 2017 година. Токму за Кенан, напиша новинарката Валентина Ѓорѓиевска, и раскажа каков бил нејзиниот одност со него и реќе дека тој е македонскиот Тома Здравковиќ.




-Македонскиот Тома е Кенан Таировски Кени. Неговиот живот беше многу побоемски и со многу трње низ ружите. Како тинејџерка му го давав мојот кревет, а јас одев на тросед да спијам стуткана в дневна, му купував млеко, го лекував, секогаш кога ќе претераше и дојдеше кај нас на престој, со денови, недели…

Си беше како дома. Мајка ми го караше, Татко ми бегаше, Брат ми своја шема, јас останував со него. И се мене ми се обраќаше. Поради еден негов гест на некој начин се одлучив да го работам ова што сега го работам. Душа чоек. Со спефицичен карактер.




Сакаше многу жени, страдаше по нив, ги тетовираше на себе, им пишуваше песни, имаше милионски тиражи во бивша Ју, 4.000.000 продадени носачи на звук само во Ју. На крај не му дадоа ни пензија.

Неговата прекрасна внука до крај на Животот остана со него да го негува и гледа… “Сам со чашата” е една негова песна…

Живот со алкохол е за фркната работа! Не се промашените љубови во прашање, љубови се наоѓаат секогаш, чашката е… Не ја глорифицирајте!!!“, напиша новинарката..

Previous articleАнтонио Димитриевски: Гледам многу од вас се „подмочнуваат“, а на некои им тече низ ногавици, кога го гледаат „Тома“
Next articleМоите ми се зakаниja кога им реков дека ќе се мажам за Аркан- Цеца раскажа се за љубовта со Ражњатовиќ