Home News Наведени се шесте симптоми за новиот сој, поради кои се препорачува посета...

Наведени се шесте симптоми за новиот сој, поради кои се препорачува посета на лекар

Новиот сој Омикрон, на корона вирусот забрзано се шири и во регионот и низ светот. Во Србија, бројот на нови случаи на дневна основа е над 9.000, а Ковид амбулантите повторно се преполни.




Епидемиолозите предупредуваат дека во наредните денови може да се очекуваат голем број нови случаи.

Во Хрватска се регистрирани 9.058 нови случаи на инфекција со коронавирус, најмногу за еден ден од почетокот на пандемијата, а починале 33 лица.




Во последните 24 часа биле тестирани 19.975 лица, а речиси половина биле позитивни на коронавирусот.

Белгија оваа недела го надмина врвот на инфекции постигнат во ноември 2020, овој пат поради сојот омикрон.




Премиерот на Белгија, Александер Де Кро, завчера се обрати пред јавноста по последниот координативен состанок за мерките за борба против ковид-19 и повика на солидарност со почитување на превентивните мерки и примена на трета доза вакцина.




Италија, пак, воведе задолжителна вакцинација против корона вирус за лица постари од 50 години во обид да го намали притисокот врз нејзиниот здравствен систем и да ги намали смртните случаи. Мерката стапува во сила веднаш и ќе важи најмалку до 15 јуни.




Во болниците во Велика Британија, бројот на пациенти со коронавирус е најголем од февруари лани, покажуваат најновите податоци, во услови на зголемен притисок врз здравствените услуги. Вкупно 17.276 луѓе се во британските болници поради ковид-19, што претставува зголемување од 58 отсто од недела во недела и највисоко од 19 февруари.




Воедно, британската влада соопшти дека правилата за тестирање на ковид ќе бидат ублажени за луѓето кои патуваат во Англија. Така, целосно вакцинираните патници кои од денеска, пристигнуваат во Англија повеќе нема да мора да прават тест за ковид пред да патуваат, а од недела, наместо да прават ПЦР тест на вториот ден од пристигнувањето, ќе можат да направат брз тест, кој е поевтин.




Оваа одлука ја потврди и британскиот премиер Борис Џонсон, по апелот на туристичките агенции и нивните тврдења дека мерките повеќе не се ефективни поради забрзаното ширење на сојот Омикрон.

Германија регистрира 64.340 нови случаи на инфекција со коронавирус во последните 24 часа, објави Институтот за заразни болести „Роберт Кох“. Вкупниот број потврдени случаи на инфекција со вирусот во Германија достигна 7.361.660, а на починати од Ковид достигна 113.368 лица.




Лидерите на Светската здравствена организација (СЗО) изјавија дека високо заразниот сој омикрон на коронавирусот создава помалку опасен тек на ковид-19 од глобално доминантниот делта сој, но не треба да се карактеризира како „благ“, бидејќи негативните рекорди паѓаат низ целиот свет, здравствените системи се поплавени и владите се обидуваат да го „скротат“ вирусот, што досега уби повеќе од 5,8 милиони луѓе.




Техничкиот директор на СЗО, Марија ван Керхове предупреди дека омикрон нема да биде последната варијанта на ковид-19.

По предупредувањето од Светската здравствена организација дека сојот омикрон не е безопасен, пристигна предупредување и од Американскиот центар за контрола и превенција на болести (ЦДЦ), кој укажува на шест оп асни симптоми на омикрон за кои е потребна итна лекарска помош, објави „Дејли експрес“.




Симптомите на сојот омикрон според ЦДЦ вклучуваат: проблеми со дишењето, постојана болка или притисок во градите, конфузија, неможност да се разбудите или тешкотии да се остане буден, бледа, сива, сина кожа, уста или нокти.
Од ЦДЦ додаваат дека ова не се сите симптоми и дека пациентите пријавиле други различни симптоми.




Се поосочува и дека симптомите може да се појават од вториот до 14-тиот ден по изложувањето на вирусот и дека секој може да има симптоми, кои варираат од благи до тешки.

Previous articleПо најновите информации, фанови и обожаватели се разочараа во Новак Ѓоковиќ
Next articleПавле Трајанов најави можност и да не гласа за новата Влада: Ако не се договориме, нема да гласаме