Home Live Тагата ја компензирав со храна- водителката Ели Танаскоска откри за својата животна...

Тагата ја компензирав со храна- водителката Ели Танаскоска откри за својата животна болка

Ели Танаскоска е долги години едно од заштитните лица на Македонската радио телевизија, водителка и новинар што ја сакаат сите генерации. Ели во моментов ја води емисијата „Неделен магазин“.

Во едно интервју за „Точка“, Ели зборуваше за себеси и она што ѝ го исполнува времето.

-Сум имала различни занимации и сега дури ми е чудно како сум можела сето тоа да го правам. Од собирање на салфетки, до сликање, пишување поезија, љубовни романи.

Сега немам баш толку слободно време, но можам да кажам дека храната ми е хоби. Кујната е моето царство и таму навистина се чувствувам како кралица.

Сега ќе откријам една тајна. Велат до генот е, да, но и до желбата како сакаш ти да изгледаш.

Промената можеш да ја направиш однвнатре. Треба само силен мотив и промената ќе дојде сигурно. Јас цел живот спортувам, практикувам пилатес секојдневно“, рече новинарката.

Ели за ММС.мк изјави дека нејзината најголема гордост е внуката Изабела, од нејзината постара ќерка Симона.

Ќерката живее во Канада, и Ели е тажна што со внуката не може да се гледа често, но комуницираат редовно, и таа ѝ раскажува приказни онлајн. Сега, таа е бааба на уште една слатка внука, а Ели има уште една ќерка, Леона.

– Толку години, мојата душа е поделена на две. Кога овде изгрева, таму спијат, кога таму заоѓа, јас чекам вибер. На вибер раскажувам приказни, всушност измислувам. Таа заспива со мене.

Понекогаш, враќајќи се од работа знаев да се паркирам и од кола да раскажувам“, рече Ели за ММС.

Таа откако ѝ се роди внуката, па потоа и другата внука се подмлади и сосема го смени својот изглед. Ели раскажа дека кога ќерката си заминала во Канада, и го загубила татко ѝ, тагата ја конпензирала со храна.

– Најголемата моја промена се случи кога ја скратив косата и кога се ослободив од вишокот килограми.

Симона замина во јануари, а татко ми кој ми беше моја сродна душа не напушти по шест месеци! Тоа беше голем стрес за мене. Се трудев никому да не ја пренесам мојата тага, мојата болка.

Моите соочувања со заминувања. Затоа не ги сакам аеродромите. Ми ја враќаат сликата кога Симона се збогуваше со своето се овде. Кога се огласи повикот за летот, се сврте како нешто да ја помести, ни се замрзнаа погледите…

Само изусти„ Мамо, јас заминувам! “ Потклекна, Леона донесе сок. Се правев храбра, а се во мене се уриваше. Се што си имал, планирал се оди во една патна торба. Целиот живот спакуван во една торба.

Авионот полета , и еден ден од мојата душа засекогаш замина со тој лет! Знам за подобро, за најдобро е, но не се надоместува ,ете тој дел!

Тогаш добив и килограми и напади за храна, веројатно за компензација !“, изјавила Ели во ММС.

Потоа, решила да ја скрати косата и да се ослободи од вишокот на килограми. „Еден момент се будиш и велиш, промената е во тебе, клучот е во тебе“, изјави Ели.

Водителката денес изгледа поубаво и помладо од било кога, што го докажа со последните свои појавувања на телевизија.

Previous articleПоследниве години, до болка ми недостасува- се отвори новинарката Каролина Петковска за големата загуба
Next articleКако да претчувствувал – Амди Бајрам раскажа како стигнал од нула до кула и што планирал да направи доколку е здрав и жив (ВИДЕО)