Home Live Божидар: Како изгледаше слава на времето

Божидар: Како изгледаше слава на времето

Во Македонија и Србија, за денешниот ден се вели дека, кој не слави Свети Никола, оди на гости. Односно, пола држава слави, пола е на гости!

Да, нашиот народ е длабоко религиозен, а од друга страна, верницитем освен традиционалното одење на гости, за Св. Никола и останатите големи празници, одат на пранична литургија во црква и се причестуваат со светите тајни.

Сепак, во денешно време, некои, традиционалните слави ги претвораат во мини свадби, па организираат прослави во ресторани, што секако, не е во склад со црковните типици.

Популарниот лик од социјалните мрежѓи, Божидар Божиновски, објасни како изгледала слава во минатото:

„Именден на времето: – домашно вино, домашна ракија, да знаевме и пиво да праевме ќе праевме

– немаше посна и мрсна слава пошто масата изгледаше ко президиумот на КПЈ, сите комунисти

– теми на расправа: втора светска војна (секогаш имаше партизан шо одбива да умри, а цела фамилија го чекаат да му јадат боречката пензија), фабричките гиганти на Југославија, Германија и Ватикан дале три милијарди марки да ја растурат Југославија, транзиција

– пошто седевме поделени ко во џамија жените идеа со тефтери “Југометал 90” и менуваа рецепти, а пошто имаше и ageism посебно место имаше за децата

– никој не носеше дрвена лептир машна

– се слушаше музичка програма на локална телевизија дур не запее некој… обично тој шо не знае да пее

Именден сега:

– исти  кy рац од пијачки, за 20 години не научивме уште пиво да прајме, а заборајвме да прајме вино и ракија. Плус има виски за тој роднината од партија шо очекуваш да те вработи, а нема

– масата е ко оригами изложба. Печеница виткана ко ружи, кашкавал во форма на лотосов цвет, салфети ко лебеди, јебем ли га само куленот остана да личи на кулен

– на маса се разговара исклучиво за геоплитика со две струи: прозападна и проруска.

Се откриваат сите тајни на Ц ИА, КГ Б, Мосад без да се пази дека и ѕидовите имаат уши. Како почнува да дејствува алкохолот се спушта нивото на ВМРО, СДСМ дур хипикот на маса не речи “Сите се исти”. Никој не го слуша. Дискутираат и жени и деца пошто го победивме и патријархот и ageism-от

– во зависност на примањата на семејството музиката варира од Јутуб до жива музика. Уште се слуша дугме

– од рецепти се разговара само за рецепти за лекови

– има луѓе со дрвени лептир машни, ко да немаат огледала“

Previous articleОваа приказна на Лазар Бараков ја фати прашината и мувлата- џабе ли беше трудот на нашиот актер? (ФОТО)
Next articleЕлена Ристеска ја покажа мајка си- таа им е најголема поддршка на неа и на сестра ѝ откако го загубија таткото (ФОТО)