Home News Златев го пријави Бујар Османи, објасни и зошто

Златев го пријави Бујар Османи, објасни и зошто

Новинарот Љупчо Златев, на својот профил на социјалните мрежи, објави дека пуштил пријава до министерот за надворешни работи Бујар Османи, а објасни и зошто:

„Пред малку до Комисијата за спречување и заштита од дискриминација поднесов претставка против Министерството за надворешни работи и против министерот Бујар Османи.

Претставката е во однос на воведувањето на МКарта, со која се дискриминираат околу 2 милиони граѓани по бројни основи.

Во прилог, интегрално ви ја пренесувам содржината на претставката:

Со воведувањето на МКарта, директно се дискриминираат стотици илјади граѓани на нашата земја, вклучително и јас.

Имено, министерството предводено од господинот Бујар Османи донесе одлука според која носителите на оваа картичка ќе поминуваат забрзано на граничните премини.

Овие лица не се службени лица и не се носители на дипломатски или високи јавни функции, што значи дека немаат службени или дипломатски патни исправи.

Оттука, секое нивно привилигитање во однос на останатите граѓани претставува дискриминација.

Дополнително изборот на “истакнати личности од земјата кои живеат во странство” е целосно нетранспарентен без јасно дефинирана методологија и единствено и со ексклузивно право на вработени во МНР да одлучуваат кој ќе добие ваков статус.

Се прави дискриминација врз основа на личен или општествен статус, имотен статус и социјално потекло,

со тоа што на листата на привилигирани носители на МКарта се наоѓаат лица кои само затоа што се богати ќе поминуваат побрзо на граничните премини како успешни бизнисмени или индивидуалци во странство.

На сметка на тоа, обичните граѓани ќе чекаат ред и ќе бидат дискриминирани.

Ред ќе чекаат и бремените жени, болните и изнемоштените и лицата со попреченост кои исто така се дискриминирани поради нивната здравствена состојба.

Во исто време, на листата од 69 носители носители на МКарта која беше објавена евидентно е дека не се опфатени бројни научници и интелектуалци кои според мене се изоставени само затоа што се Македонци и Православни христијани, што значи дека министерството и министерот Бујар Османи, дискриминираат и по основ на етничка припадност и религија.“

Инаку, со МК картата, на носителите им е овозможено да имаат предност при влегување во земјата, на македонските аеродроми.

Previous articleБоки Бургија: Како беше порано? Сите славевме Коледе, Бајрам, Велигден, Католички Божиќ…
Next articleЈанко Илковски ја објави НАЈ тетоважата- и Синан Сакиќ е во приказната (ВИДЕО)