Home News Наш познат доктор: Живот не трпи тендери – државата веднаш да реагира,...

Наш познат доктор: Живот не трпи тендери – државата веднаш да реагира, да се спаси ова дете

Во месецот со најмалку дена во годината, кој пациентите со ретки болести го викаат „свој“, ќе биде реализирана национална кампања за запознавање со ретките болести.

Неофицијално во Македонија има околу 2000 пациенти со ретки болести со приближно 100 различни дијагнози.

Во месец Ноември, минатата година, пациенти со ретки болести алармираа дека се оставени без потребните терапии за нивните лекувања, а тоа се лекови што продолжуваат и спасуваат живот.

Биба Додева од Здружението Борка, тогаш рече дека се собрале 27 здруженија и заеднички испратиле писма до премиерот, Генералниот секретар на Владата, до Министерството за здравство и до Фондот за здравствени осигурување. Но, до тогаш, не добиле никаков одговор.

„Луѓето имаат проблем со континуирана набавка. Треба да се смени позитивната листа. Ни викаат: ‘Тие лекови што не се на позитивна листа па не мора ни да ги обезбедиме’. Иако е нехумано – да имаш добар лек, да се навикнеш на него и сега да го немаш.

На многу пациентки овие лекови им значат целосно излекување“, рекоа тогаш од здруженијата, а пренесе порталот сдк.мк

Вчера, на својот профил на социјалните мрежи, се огласи доктор Велибор Тасиќ, педијатар, кој деновиве, како што напиша е на одмор во Хрватска, но добил порака за случај со дете, кое би можело да биде спасено, доколку државата реагира итно:

„Ни кафе како пензионер не можам да испијам на мир.

Седам со колегата Данко Милошевиќ, врвен експерт педијатар нефролог во еден Загребачки кафиќ и добивам порака дека еден наш пациент стар 13 години е примен на Клиниката со четврта епизода на атипичен хемолизно уремијски синдром (болест која ги напаѓа црвените крвни зрнца, тромбоцитите и води до отказ на бубрезите).

Данко ми вели, па дајте му одмах солирис или ултомирис спасицчте му бубреге.

На жалост Данко, код нас је бирократска процедура, треба се пациејнт регистрирати код комисије за ретке болести, па чекати њихову одлуку, која је често негативна и неправедна….јер овде лек живот спашава!

Џабе што је лек регистриран у Македонији, тко че га платити.

ЖИВОТ НЕ ТРПИ ТЕНДЕРИ!!!! ЗА ВАКВА СИТУАЦИЈА ДРЖАВАТА, ФОНДОТ И ДРУГИТЕ ФАКТОРИ ТРЕБА ДА РЕАГИРААТ ВЕДНАШ!

За жал, некои наши фамилии кои имаа деца со атипичен ХУС мораа да се иселат, за да можат да го добијат лекот во странство.

Ве молам споделете ја објавата! Живот не трпи тендери!“, напиша доктор Спасиќ на својот профил на социјалните мрежи.

Previous articleКалиопи зазеде почесно место во „Sвездите на Гранд“ – Тие се пофалија дека кандидатите најмногу ја пеат оваа нејзина песна
Next articleМајката на Хелена Роза замина кај ќерка си во Нов Зеланд, еве колку Хелена личи на неа (ФОТО)